Нууцлалын бодлого

Сүүлд шинэчилсэн: 2026 оны 08 сарын 07

PMIS ("бид", "манай систем") нь үүлэн технологи дээр суурилсан төслийн менежментийн мэдээллийн систем бөгөөд pmis.mn вэб хувилбар болон iOS, Android дээрх PMIS Mobile аппликейшнээр хэрэглэгддэг. Энэхүү бодлого нь та вэб болон мобайл аппликейшнийг ашиглах явцад бид ямар мэдээлэл цуглуулдаг, яагаад, хэрхэн хамгаалдгийг тайлбарлана.

1. Бид ямар мэдээлэл цуглуулдаг

Бүртгэлийн мэдээлэл: нэр, имэйл хаяг, утасны дугаар, харьяалагдах байгууллага, нууц үг (нууц үг hash хэлбэрээр хадгалагдана, ил тод хадгалагдахгүй).
Таны оруулсан төслийн мэдээлэл: өдрийн лог (ажиллах хүч, цаг агаар, тоног төхөөрөмж, хүргэлт, аюулгүй ажиллагаа, шалгалт, тоо хэмжээ гэх мэт), асуудал (issue), сэтгэгдэл, checklist хариулт болон бусад таны оруулсан текст мэдээлэл.
Файл, зураг: өдрийн лог, асуудал, чатад хавсаргасан зураг, баримт бичиг, мөн чатад бичсэн дуут мессеж.
Чатын мессеж: төслийн бусад гишүүдтэй харилцсан текст, зураг, дуут мессеж.
Төхөөрөмжийн зөвшөөрөл (мобайл апп): камер болон зургийн сан (зураг хавсаргахад), микрофон (дуут мессеж бичихэд), push мэдэгдлийн token (мэдэгдэл хүргэхэд). Эдгээрийг зөвхөн тухайн функцийг идэвхтэй ашиглах үед хандана.
Техникийн мэдээлэл: IP хаяг, төхөөрөмж/browser-ийн төрөл, үндсэн ашиглалтын лог — аюулгүй байдал болон алдаа шийдвэрлэхэд ашиглагдана.

2. Мэдээллийг хэрхэн ашигладаг

Төслийн хяналт, өдрийн лог, асуудлын менежмент, багийн чат зэрэг үндсэн функцийг үзүүлэхэд.
Таны бүртгэлийг баталгаажуулах, аюулгүй байдлыг хангахад.
Таны төсөлтэй холбоотой push болон имэйл мэдэгдэл (жишээ нь: шинэ чат мессеж, асуудлын төлөв өөрчлөгдсөн) илгээхэд.
Системийн найдвартай ажиллагаа, аюулгүй байдлыг сайжруулахад.

Бид таны хувийн мэдээллийг гуравдагч этгээдэд худалдахгүй, зар сурталчилгаанд ашиглахгүй.

3. Гуравдагч талын үйлчилгээ

Мобайл апп дээрх push мэдэгдэл хүргэхэд бид зөвхөн Firebase Cloud Messaging (Google) үйлчилгээг ашигладаг. Энэ зорилгоор төхөөрөмжийн token Firebase рүү дамждаг; таны төсөл, чатын агуулга Google-д дамждаггүй.

4. Мэдээлэл хадгалалт, аюулгүй байдал

Бүх мэдээлэл PMIS-ийн ажиллуулдаг серверт хадгалагдаж, шифрлэгдсэн холболтоор (HTTPS/WSS) дамждаг. Төслийн мэдээлэлд зөвхөн тухайн төслийн гишүүд болон админ хандах эрхтэй. Нууц үг стандарт hashing аргаар хадгалагдана.

5. Мэдээлэл хадгалах хугацаа

Төслийн мэдээлэл таны байгууллагын бүртгэл идэвхтэй байх хугацаанд хадгалагдана. Та өөрийн хувийн бүртгэлийн мэдээллийг устгуулахыг доорх и-мэйлээр хүсэлт гаргаж болно; гэхдээ та хамтарсан төсөлд оруулсан мэдээлэл (лог, сэтгэгдэл гэх мэт) нь тухайн байгууллагын өмч тул таны бүртгэл устсан ч төслийн бүртгэлийн хэсэг байдлаар хадгалагдаж болно.

6. Таны эрх

Та хувийн мэдээллээ харах, засах, устгуулах хүсэлтийг доорх и-мэйлээр хэдийд ч гаргах эрхтэй. Мөн камер, микрофон, зургийн сан, push мэдэгдлийн зөвшөөрлийг төхөөрөмжийн Тохиргоо-с хэдийд ч цуцалж болно — апп үргэлжлэн ажиллах боловч холбогдох функц (зураг хавсаргах, дуут мессеж гэх мэт) ашиглагдахгүй болно.

7. Хүүхдийн нууцлал

PMIS нь барилга байгууламж, төслийн менежментийн мэргэжлийн хэрэглэгчдэд зориулагдсан бизнесийн систем бөгөөд хүүхдэд зориулагдаагүй. Бид 13-аас доош насны хүүхдээс санаатайгаар мэдээлэл цуглуулдаггүй.

8. Бодлогын өөрчлөлт

Бид энэхүү бодлогыг цаг үргэлж шинэчилж болно. Мэдэгдэхүйц өөрчлөлтийг энэ хуудсан дээрх "Сүүлд шинэчилсэн" огноог шинэчлэн тусгана.

9. Холбоо барих

Энэхүү бодлого болон таны мэдээлэлтэй холбоотой асуулт байвал info@estimator.mn хаягаар холбогдоно уу.